Një pjesë, të krijuara nga institucionet amerikane për Shqipërinë
Fondi i Drejtorisë së Përgjithshme të Arkivave, pasurohet me mijëra dokumente të reja.
“Mbi 8 mijë dokumente mbi Shqipërinë dhe shqiptarët, të ruajtura në arkivat amerikanë, janë kthyer në tokën amë, pikërisht në Arkivin e Shtetit”.
Fondi i dorëzuar përmban një varacion dokumentesh, që nga kontributet e personaliteteve të shquara në kulturë, deri tek marrëdhëniet politike.
Ky dokument i vitit 1945 dikur i klasifikuar si sekret, shtjellonte me imtësi situatën zgjedhore politike në Shqipëri, dhe marrëdhënien pozitive që po lindin mes Shqipërisë komuniste dhe Bashkimit Sovjetik.
Një përshkrim i detajuar çka tregon edhe vëmendjen e Uashingtonin për situatën e vendin tonë. Këto dokumente do të jenë të gjitha në dispozicion të studiuesve.
Ndërsa kreu i arkivave u bën thirrje kujtdo që ruajnë, dokumente me vlerë historike, t’i dorëzojnë në Arkiv.
Fonde të tjera të rëndësishme që janë dorëzuar së fundmi në drejtorinë e Arkivave ka qenë ai i poetit të shquar Lasgush Poradecit dhe veprimtarit politik Reuf Fico.
