Agjencia serbe të Informacionit dhe Sigurisë (BIA), në bashkëpunim me Prokurorinë për Krime të Teknologjisë së Lartë dhe Ministrinë e Brendshme të Serbisë, arrestuan një 30-vjeçar për shkak të një dyshimi të bazuar se kërcënoi në Facebook presidentin e Serbisë, Aleksandar Vuçiç, njoftoi BIA.
I dyshuari akuzohet për përdorimin e rrjetit social Facebook, ndër të tjera, për të njoftuar dhe thirrur drejtpërdrejt për vrasjen e presidentit të Serbisë, Aleksandar Vuçiç.
Ai në publikim deklaroi se vazhdimisht po shikonte Vuçiçin nëpërmes të nishanit të snajperit.
Mbi fotografinë të cilën e postoi, shihet Vuçiçi, presidenti malazes Milo Gjukanoviç dhe anëtari i presidencës së BeH Milorad Dodik, ai shkroi: “Këta të dy u larguan, ndërsa ty Aleksandar Vuçiç do të eliminojë snajperi. E di edhe vet, ajo pikë e kuqe e cila po të përcjellë në dhomën e fjetjes kur fik dritën”.
“Vuçiç, unë vetëm të shikoj, e ti nuk e di se ku jam. Ti mua nuk më sheh, por unë të shoh nëpërmes shënjestrës së snajperit”, ka porositur më tutje në publikimin kërcënues.
Siç pretendon BIA, i dyshuari është ndaluar dhe me konsultim me prokurorin e çështjes, do t’i caktohet ndalimi për 48 orë.
