Mjeku i njohur infeksionist Pëllumb Pipero ka folur për situatën e koronavirusit të krijuar në vend.
Përmes një interviste ai është shprehur se lokalet janë mjedise ku transmetimi është i madh. Sipas tij të rinjtë nuk e kanë marrë seriozisht pandeminë, teksa ka shtuar se lokalet duhet të mbyllen më herët.
I pyetur për impaktin që kanë pasur masat e marra së fundmi, e kryesisht maska, Pipero thotë se të gjitha masat që kanë si qëllim frenimin e përhapjes së virusit duhet të jenë të mirëpritura.
Mjeku tha:
Rinia nuk e ka marrë seriozisht problemin. Njerëzit duhet të rrinë sa më pak në lokale. Situata që po përjetojmë do më shumë kujdes, mirëkuptim. Ndoshta lokalet duhet të mbyllen pak më herët, janë në mendimin tim, lokalet dhe familja binomi më i madh i transmetimit.
