Për vitin e dytë radhazi Shqipëria, në bashkëpunim të ngushtë me Ministrinë e Diasporës, është duke shpërndarë falas tekstet mësimore në gjuhën shqipe, për të gjithë nxënësit shqiptarë në diasporë, transmeton albinfo.
Ambasadat e Republikës së Shqipërisë janë duke e kryer punën me rreth 17.000 tekste shkollore, në të gjitha hapësirat ku jetojnë shqiptarë. Ky patjetër është një kontribut domethënës në ruajtjen e kulturës dhe forcimin e identitetit kombëtar.
Ministri i Jashtëm i Shqipërisë, Gent Cakaj, ka shkruar se merita kryesore megjithatë u takon mësuesve e nxënësve të vyer, që përkundër largësisë, vazhdojnë ta ruajnë shqipen e ta lartësojnë trashëgiminë kombëtare gjithandej në botë.
